Түбән Камада аттракционнар паркының ачылу көне билгеле булды
Түбән Камада 1 июньдә — Балаларны яклау көнендә аттракционнар паркы рәсми рәвештә ачыла. Яңа парк «Сабантуй» исемен йөртәчәк. Бу хакта https://nkamsk-rt.ru/ сайтында Фәридә Зарипова яза.
Паркны төзекләндерү һәм үзгәртеп кору узган елның көзендә парк яңа хуҗа кулына күчкәч башланган иде. Биредә иске аттракционнар сүтелеп, яңалары белән алмаштырылды, кайбер аттракционнар үзгәртелде.
Парк вәкилләре әйтүенчә, барлык аттракционнар да ныклык һәм иминлек тикшерүе уза, ә паркта видеокүзәтү камералары урнаштырылган.