Ուզում եմ հասկանալ այս գործողությունները հրահանգավորած անձինք հա՞շտ են իրենց որոշման հետ․ Դավիթ Խաժակյանը՝ ՍԴ նախագահի շուրջ ստեղծված իրավիճակի մասին
Երևանի ավագանու «Լույս» խմբակցության ղեկավար Դավիթ Խաժակյանն իր ֆեյսբուքյան էջում կիսվել է hraparak.am-ի՝ «ԱԱԾ-ականները գնում են Հրայր Թովմասյանի տուն» վերնագրով նյութով և իրադրությունը համեմատել նացիստների ու կոմունիստների գործելաոճի հետ։ Գրառումն ամբողջությամբ ներկայացնում ենք ստորև․
«Երբ նացիստները բռնում էին կոմունիստներին, ես լռում էի․ ես կոմունիիստ չէի։
Երբ նրանք նստեցնում էին սոցիալ-դեմոկրատներին, ես լռում էի․ ես սոցիալ-դեմոկրատ չէի։
Երբ նրանք բռնում էին արհմիության անդամներին, ես լռում էի․ ես արհմիության անդամ չէի։
Երբ նրանք եկան իմ հետևից որևէ մեկը չէր մնացել, որ պաշտպաներ ինձ»․․․
Հիմա ինձ մի հարց է հետաքրքրում․ այս անընդունելի գործողությունների շարքը երբ ավարտվի այս անձանց նկատմամբ, շարունակվելո՞ւ են ավտորիտարիզմի այս դրսևորումները։
Հ․Գ․ այստեղ ոչ մեկն է նացիստ, ոչ մյուսը կոմունիստ, ոչ մեկին եմ պաշտպանում, ոչ մյուսին մեղադրում, պարզապես ուզում եմ հասկանալ այս գործողությունները հրահանգավորած անձինք հա՞շտ են իրենց որոշման հետ, թե՞ ասում են սա էլ ու վերջ․․․»։