"Торугарт" өткөрмө бекетинде жүк ташуучу автоунааларга чектөө киргизилди
Буга Кытайдын аймагындагы жолдордун бирине таш кулаганы себеп болгону айтылат.
Учурда кытай тарап жолду тазалоо иштерин жүргүзүп жатат.
Мекеме жүк ташуучу автоунаалардын өтүүсүнө качан уруксат берилерин тактаган эмес. Бул боюнча кошумча маалымат болорун билдирди.
Ош облусундагы «Эркечтам» өткөрмө бекети штаттык режимде иштеп жатат.
Кыргызстан менен Кытайдын чек арасында негизги кыймыл “Торугарт” жана “Эркечтам” өткөрмө бекеттеринде болот.
Кытай кыргызстандык жарандардын "Эркечтам" өткөрмө бекети аркылуу өтүшүнө үч жылдан кийин, 9-январдан тарта уруксат берген. Аталган бекет 2020-жылы коронавирус пандемиясына байланыштуу толук жабылып, кийин машине өткөрүү үчүн гана ачылган. (TAb)