"Улуу мурас" аталышындагы хрестоматиялык жыйнак жарык көрдү
Хрестоматиялык китеп "Дастанчы" коомдук фондунун жетекчилиги астында эл аралык "Кристенсен" уюмунун демөөрчүлүгү менен жарык көргөн. Түзүүчүлөр - белгилүү дастанчылар Өмүрзак Кайыпов, Самат Көчөрбаев.
Алардын айтымында, этностилдеги дизайнда чыккан китеп Билим берүү министрлигинен, өлкөдөгү бир катар окуу жайлардан, окумуштуулар кеңешинин сынынан өтүп, расмий түрдө рецензия алган.
500 нускада басылып чыккан “Улуу мурас” эмгеги маданий-музыкалык окуу жайлар, музыкалык мектептер жана жалпы өнөрпоздор үчүн колдонмо болот. (MZh)