Татарстанда чүп проблемасын җәмәгать инспекторлары контрольгә алды
(Казан, 18 август, Татар-информ», «Диана Авакян). Татарстанның көнбатыш зонасында калдыклар проблемасы «җәмәгать инспекторлары»ның аерым контроленә алынды. Мондый хезмәт беренче тапкыр «ПЖКХ» идарә компаниясе (ТР-Инвестка керә) төбәк операторында барлыкка килде. Бу хакта предприятиенең матбугат хезмәте хәбәр итә.
Алар санкцияләнмәгән чүплекләрне, чүп белән тулган контейнер мәйданчыкларын, калдыкларны чыгару кагыйдәләрен бозуларны күзәтеп торачак.
«Җәмәгать инспекторлары Казанның шәһәр яны бистәләрендә актив эшли башлады инде. Мәсәлән, рөхсәтсез чүп-чар ташлау урыны Торф урамындагы элеккеге контейнер мәйданчыгы урынында табылды», - диелә хәбәрдә.
Алга таба калдыклар өчен бункерлар төзелеш калдыклары белән күмелгән урыннарда даими рейдлар үткәрү планлаштырыла. Тәртип бозучыларны җәмәгать инспекторлары административ җаваплылыкка тартачак.
«Региональ оператор хезмәткәрләрен укытуны ТР Экология министрлыгы вәкилләре үткәрде. „Җәмәгать инспекторы“ таныклыкларын 13 белгеч алды», - диделәр матбугат хезмәтендә.