Уфа шәһәренең 450 еллыгын билгеләп үтәргә әзерләнәләр
(Казан, 30 ноябрь, «Татар-информ»). Россия Президенты Владимир Путин бүген 2024 елда Уфага нигез салынуның 450 еллыгын бәйрәм итү турында боерыкка кул куйды. Башкортстан башлыгы Радий Хәбиров шул турыда үзенең социаль челтәр битләрендә җиткерде. Бу хакта «Башинформ» хәбәр итә.
Әлеге документ нигезендә өч ай дәвамында РФ Хөкүмәте Рәисе урынбасары Алексей Оверчук рәислегендә бәйрәмгә әзерлек һәм аны уздыру буенча оештыру комитеты оештырылачак, диелгән хәбәрдә.
«Уфа шәһәре халкы исеменнән Россия Президентына кабул ителгән карары өчен зур рәхмәтемне белдерәм», - дип язган Радий Хәбиров.