O‘zbekiston Bosh vaziri Abdulla Aripovning 21 sentabr kungi farmoyishi bilan talaba, o‘qituvchi va tibbiyot xodimlari 22 sentabrda paxta terimidan qaytarilganidan so‘ng mamlakat bo‘ylab terimga “uyushmagan aholi”ni jalb qilishga zo‘r berilmoqda. Tuman, viloyat va respublika miqyosida keyingi kunlarda o‘tkazilgan yig‘ilishlarda aholi orasida tushuntirish ishlari olib borish, terimga odam chiqarish talab qilindi.
