Санкт-Петербургда агрессив кайфиятдаги йигит ўзбекистонлик муҳожирни пичоқлаб ўлдирди…
Ушбу фожиа Ленинград вилоятидаги Лесколово қишлоғида содир бўлди. Ўзбекистонлик ёши улуғ эркак (тергов манфаатларини кўзлаб жабрланувчининг исми-шарифи ошкор этилмаган) скутерда сайр қилиб юрган йигитга қайсидир нотўғри ҳатти-ҳаракати учун бўлса керак, танбеҳ берган. Бу йигитга ёқиб тушмаган албатта. У муҳожирнинг ортидан кузата борган. Муҳожир дўконга киргач, ортидан кирган-у, киссасидан пичоқ чиқариб муҳожирга ташланган. Шу кўйи ҳамюртимизга учта жиддий тиғ жароҳати етказган. Афсуски, врачлар ўзбекистонлик муҳожирнинг ҳаётини сақлаб қола олишмади. У жароҳатлар жиддийлиги туфайли касалхонада вафот этди. Қотил эса қочиб қолган экан. Ҳозир уни полиция ходимлари қидирмоқда.
Ушбу факт юзасидан жиноий иш қўзғатилган. Қотилнинг шахси аниқланган. У тез орада албатта қўлга олинади.