Якутиялык бакшынын тарапкерлери анын жолун улоону токтотушту
"Путинди бийликтен кетирүү" максаты менен Якутиядан жөө-жалаң Москвага чыккан бакшы Александр Габышев 19-сентябрда күч кызматкерлери тарабынан кармалып, Бурятияда кармалган. Ага карата "экстремизмге чакыруу" боюнча кылмыш иши козголгон. Габышевдин тарапкерлери бакшынын ишин аягына чыгаруу үчүн анын жолун улашарын жарыялашкан болчу.
25-сентябрда Якутиянын тургундары Габышевге карата кылмыш куугунтугун токтотууну талап кылган петиция жарыялашты. Алар Габышевди "экстремизм" беренеси менен айыптоо Конституцияга каршы келерин билдиришүүдө. Миңден ашуун киши кол койгон петицияда Габышев "өзүнүн диний көз карашына ылайык гана көз карашын билдирген" деп айтылат. Петиция ээлери Габышев кармалгандан кийинки анын жарыяланган тасмасын күч кызматтарынын кысымы алдында жазылган деп эсептешерин билдиришкен.
Орус президенти Владимир Путиндин басма сөз катчысы Дмитрий Песков бакшынын кармалышы менен Кремлдин эч кандай байланышы жоктугун журналисттерге билдирген.