Мальтада өкмөт башчы жаңы жылда кызматтан кетерин жарыялады
Премьердин отставкасын талап кылган демонстранттар болсо Мускаттын кызматтан дароо кетишин талап кылууда. Ал бийликтеги Лейбористтер партиясынын төрагасына 2020-жылдын 12-январынан тарта жаңы лидерди тандоо процессин баштоо тууралуу арыз жазарын белгиледи.
Мальтада өкмөт башчынын отставкасын талап кылган чакырыктар 30-ноябрда белгилүү ишкерге айып тагылгандан кийин күчөдү. Буга чейин Йорген Фенектин өкмөттө таасирдүү байланыштары бар экени белгилүү болчу.
Премьердин аппарат башчысы Кит Шембри 26-ноябрда кызматынан кетип, камакка алынган. Ошол эле күнү туризм министри Конрад Мицци, анын артынан экономика министри Кристиан Кардона иликтөө аяктагыча кызматын тапшырарын билдирген.
Коррупциянын бетин ачкан иликтөөчү журналист Галициянын машинеси баш калаа Валеттада 2017-жылдын октябрында жардырылган. Жакында кылмышка ортомчулук кылган деген ири ишкер кармалып, бул иште кызыкчылыгы бар деген бир топ ысымдарды жарыялаган.