Украина менен Орусиядагы кырдаалдан улам Кыргызстанда кээ бир дарылардын тартыштыгы байкалып, дары-дармектердин баасы жакын арада кымбаттай турганы айтылып жатат. Мисалы, онкологиялык илдет менен ооруган бейтаптар ичкен морфин кээ бир дарыканаларда жок. Аталган дарыны Украинадагы компания өндүрүп келген. Согуштук аракеттер жүрүп жаткан өлкөдөн Кыргызстанга 400гө жакын дарынын түрү келип турчу.