Ўйлаб кўрдингизми? 2020 йил 4 январ куни юлдузлар сизга нималарни ваъда қиларкин?
ҚЎЙ (21. 03 — 20. 04)
4 январ куни биринчи навбатда жанжалларга аралашиб қолишдан ўзингизни сақланг. Азалдан ўзингиз қаттиқ ишонган одамларга бугун танбеҳ берманг. Мумкин. Ижод билан шуғулланадиганларнинг ишлари юришади. Моддий манфаат кўришади. Аммо бу иш билан эрта тонгда шуғуллана қолинг. Чунки эрталаб илҳом парилари ҳадеганда кетиб қолиб хит қилавермайди. Молияда бировларнинг ҳақини тортиб олиш фикридан йироқ бўлинг. Акс ҳолда ўзингизникидан ҳам маҳрум бўласиз.
БУЗОҚ (21. 04 — 20. 05)
Бугун ўзлигингизни яна бир карра танишга ҳаракат қилинг. Ўзгаларнинг муаммоларини ҳам юрагингизга яқин ола билинг. Қариндошлар қийналиб қолишса, албатта ёрдам беринг. Муҳаббатда бугун тажриба ва ташаббускорлик иш бериши мумкин. Ҳадеганда жуфтингизга таъна тошларини отавермасангиз, орадаги муносабатга путур етмайди. Кечқурун кимдир ортингиздан ғийбат тарқатганини эшитиб қоласиз. Сукут ёрдамида албатта ўч олинг.
ЭГИЗАКЛАР (21. 05 — 21. 06)
4 январда дўстларингиздан кимдир жамиятдаги ўрнингизни йўқ қилиш ҳаракатига тушади. Сергак туринг. Тадбиркор бўлсангиз, рақобатчилардан жуда эҳтиёт бўлинг. Шахсий ҳаёт билан керагидан ортиқ шуғулланишни бас қилишингиз керак. Бу моддий аҳволингизга салбий таъсир ўтказиб қўйиши мумкин. Бугун тадбиркорлар музокаралар, келишувларни режалаштирган бўлишса, билишсинки, муваффақиятсизликка учрашади. Барчасини бошқа кунга қолдиринг.
ҚИСҚИЧБАҚА (22. 06 — 22. 07)
Бугунги кун сиз учун жуда енгил ва қизиқарли кечади. Ҳатто, бошингизга ёғилажак муаммоларни ҳам ўйлаб ўтирмайсиз. Ўтаётган ҳар бир лаҳзадан унумли фойдаланишга ҳаракат қилинг. Муҳаббатда оиласизларга худо беради. Танлаганингизга сиздаги барча жиҳатлар ёқиб тушади. У сизни нақ идеал инсонга айлантириб қўяди. Кечқурун спорт машғулотлари билан шуғулланишдан воз кечинг. Тоза ҳавода сайр қилинг.
АРСЛОН (23. 07 — 23. 08)
4 январ куни саломатликни асраш, мустаҳкамлаш, иммунитетни кўтариш асосий режага айланиши лозим. Тез-тез қўлларингизни совун билан ювинг. Хонангизни тез-тез шамоллатиб туринг. Шу йўл билан ўзингизга вирус юқишининг олдини оласиз. Агар бугун сафарга чиқишни режалаштирган бўлсангиз, бошқа кунга қолдиринг. Жисмоний ҳолатингиз зўриқишларни кўтара олмайди. Оллоҳ сизга ёр бўлсин!
ПАРИЗОД (24. 08 — 22. 09)
Куннинг биринчи ярмида шахсий муаммоларни бартараф этиш билан шуғулланинг. Башарти дўстлар ёки жуфтингиз билан орадаги муносабатлар бузилган бўлса, характерингизга ўзгартиш киритинг. Бусиз бахтга эришиб бўлмайди. Моддий аҳволингиз бугун ўртача кечади. Бойиб кетишингиз кутилмаяпти. Пулсиз ҳам қолиб кетмайсиз. Сурункали хасталикка йўлиққанлар албатта муолажаларни вақтида олишлари, дориларини вақтида ичишлари керак.
ТАРОЗИ (23. 09 — 23. 10)
4 январда энг глобал, муҳим масалаларда қарорлар чиқаришингизга тўғри келади. Бошқа ишларни вақтинча ташлаб қўйинг. Муҳаббатда иллюзиядан қочинг. Жуфтингиз ёки бўлғуси жуфтингиз иллюзияни ёқтирмаслигини унутманг. Ким меҳнат таътилига чиқиб саёҳатга отланган бўлса, бугун аниқ омади чопади. Янги танишлар орттирасиз. Янги таомлардан татиб кўриш бахтига муяссар бўласиз.
ЧАЁН (24. 10 — 22. 11)
Бугун вужудингизга шу қадар кўп куч йиғиладики, ўзингизни Гераклдек ҳис эта бошлайсиз. Йўқ, гап бу ерда жисмоний имкониятда ҳам эмас. Сиз руҳий жиҳатдан ҳам жуда бақувватсиз. Рақобатчиларни, ҳасадгўйларни бир пуфлаб учира оласиз. Эндигина бизнесга қўл урганлар бугун молиявий келишувларга эришишади. Бу сиз учун айни муддао. Моддий аҳволингиз айни ёмон аҳволда эди. Келишувга эришганингиз яхши бўлди. Ўзингизни эҳтиёт қилинг.
ЎҚОТАР (23. 11 — 21. 12)
4 январ куни азалий орзуларингиз ҳақиқатга айланади. Энди бироз бўшашишингиз, чуқур-чуқур нафас олишингиз мумкин. Ким бугун фойдали шартномага имзо қўйса, меросни расмийлаштирса, бемалол ўзини миллиардер деб ҳисоблайвериши мумкин. Оилавий ҳаётингиз ҳам кечки пайт жой-жойига тушади. Жуфтингиз ҳам, сиз ҳам жанжаллардан чарчагандингиз. Хайрият, жанжаллар барҳам топадиган бўлди.
ТОҒ ЭЧКИСИ (22. 12 — 19. 01)
Бугун кайфиятингиз аъло даражада бўлишига моддий тўкинлик сабабчи бўлади. Бу ҳолатни анчадан бери орзу қилгандингиз. Ниҳоят орзуингиз ушалди. Энди манаман деган супермаркетлар, гипермаркетларни айланиб ёқимли харидларни амалга ошираверинг. Яқинларингизни кутилмаган совғалар билан хушнуд этинг. Шахсий автомобилингиз бўлса, серқатнов йўлларда эҳтиётингизни қилинг. Тезликни оширманг.
ҚОВҒА (20. 01 — 18. 02)
4 январда кунингиз ажойибдан ҳам ажойиброқ кечади. Янги танишлар билан мулоқот қилганда, жуда тартибли бўлинг. Тилингизга эҳтиёт бўлинг. Муҳаббатда заҳира севгини қидириб овора бўлманг. Барибир бу ишингиз ўхшамайди. Ундан кўра, жуфтингизни қаттиқроқ севишга, қадрлашга ҳаракат қилинг. Унинг қадрига етинг. Худога шукр қилинг. Саломатлик ҳақида қайғуришни ҳам унутиб қўйманг.
БАЛИҚ (19. 02 — 20. 03)
Бугун фақат яхшиликлар ҳақида ўйлашингиз, негатив ҳолатларни ҳаётингизга киритмаслигингиз талаб этилади. Ишда ўзингизга қаттиқ ишонган ҳолда ҳаракатлар содир этинг. Оила қурмаган бўлсангиз, куннинг иккинчи ярмида сизга анчадан бери кўз ташлаб юрган бир инсондан совға қабул қилиб олишингиз кутилади. Кечқурун фақат уйда ўтириб вақт ўтказинг.
Хушвақт бўлинг! Ҳаммавақт бўлинг!
Олимжон ҲАЙИТ тайёрлади