Ўйлаб кўрдингизми? 2020 йил 12 феврал куни юлдузлар сизга нималарни ваъда қиларкин?
ҚЎЙ (21. 03 — 20. 04)
12 феврал куни қалбингиз вақтинчалик танаффусларни ихтиёр этади. Балки узоқ вақт бир жойда ўтириб қолганингиз туфайли депрессия ҳолатига тушиш хавфи таъқиб этаётгандир? На илож. Бу ҳолатга барҳам бериш сизнинг қўлингизда. Бир йўлини топиб ёқимсиз ҳолатлардан чиқа оласиз. Айримларга кимлардир кун давомида хорижда ишлашни таклиф этиши мумкин. Дарров рози бўлинг. Бундай бахт ҳар куни ҳам насиб этавермайди. Кечқурун тоза ҳавода сайр қилиш ҳам эсингиздан чиқмасин.
БУЗОҚ (21. 04 — 20. 05)
Муҳаббатда бузоқ буржи вакилларини маҳзун лаҳзалар кутади. Ҳаёт шу қадар зерикарли туюладики, бунақаси ҳеч қачон бўлмаган. Лекин билинг, шунинг билан ҳаёт тугаб қолаётгани йўқ. Яшашда давом этасиз. Чеҳрангизни очишингиз керак. Аёллар, қизлар гардеробига янгилик киритиш, гўзаллик салонига мўралаб қайтиш ҳақида ўйласалар ҳам зиён бўлмайди. Оилалилар эса пок туйғуларнинг энг юксак чўққиларини эгаллаш арафасида бўлишади.
ЭГИЗАКЛАР (21. 05 — 21. 06)
12 февралда иш жойингизда ҳамкасблар билан орангиздан қора мушук ўтадими, негадир муносабатлар илиқлаша қолмай хит қилади. Яхшики, раҳбарларингиз ишингизни қадрлаб кўнглингизни кўтаришади. Мукофот пули ваъда қилишади. Кимки бугун хизмат сафарига отланса, билсинки, албатта муваффақиятга эришади. Агар хизмат сафарига оила қурмаганлар отланадиган бўлса, йўлда бўлғуси жуфти ҳамроҳлик қилади. Бу тасодиф эмас. Худонинг хоҳиши деб қабул қилинг.
ҚИСҚИЧБАҚА (22. 06 — 22. 07)
Бугунги кунингиз тасодифларга бой бўлади. Йўлингизда нафақат саховатли, меҳрибон, балки таниқли, бадавлат шахслар учрайди. Улар билан суҳбат қургач, қалбингизни сўнгсиз ёрқинлик чулғаб олишига шубҳа йўқ. Молия масаласида фақат фактларга ишонинг. Ваъдалар, мақтовлар бир пул. Фактларгина сизга ёрдам бера олади. Харажатларингиз кўпайиб, киссангиз қуриб қолган бўлса, моддий аҳволингиз сиз учун биринчи ўринда туриши лозим.
АРСЛОН (23. 07 — 23. 08)
12 феврал куни қалбингиз муҳаббат олови исканжасида бўлиши кутилмоқда. Бу ҳолатингиз билан жуфтингиз ёки бўлғуси жуфтингизни ҳайратга солишингиз аниқ. Бўш вақт топиб китоб мутолаа қилинг. Бу ҳам руҳан енгил тортишингизда катта ёрдам беради. Шу баҳонада янги ахборотларга эга бўласиз. Баъзилар кечқурун хизмат сафарига отланиши кутилмоқда. Сафар кўплаб муаммолар ижобий ҳал бўлишини таъминлайди. Ўзингизни эҳтиётланг. Асабни асранг.
ПАРИЗОД (24. 08 — 22. 09)
Агар эрталабдан астойдил ҳаракат бошласангиз, моддий аҳволингизни тушгача етмай ижобий ҳал этиб оласиз. Аммо дуч келганга муваффақиятларингиз ҳақида гапиришдан тийилинг, кўз тегиши мумкин. Яхшиси, атрофдагилар билан камроқ гаплашганингиз маъқул. Тадбиркорлар ҳам йирик лойиҳалардан бирига катта пул тикиб, тез орада мўмай даромаддан умид қилсалар ярашади. Фақат режани пухта қилсангиз бас. Сурункали хасталикка йўлиққанлар ўз вақтида дориларини ичишлари тавсия этилади. Кечқурун кимдир қўлингизга бир даста пул тутқазиши мумкин.
ТАРОЗИ (23. 09 — 23. 10)
12 февралда тарози буржи остида таваллуд топганлардан айримларнинг кайфияти жуда тушкун бўлиши мумкин. Дўстлардан бирникига бориб чалғисангиз тушкун кайфият тарқаб кетади. Ижод кишилари кўпчиликнинг қаршисида сўзга чиқишлари кутилмоқда. Унда санъат ва шеърият ҳақида гапирасиз. Олқишларнинг охири бўлмайди. Ёлғизлар куннинг иккинчи ярмида романтик танишувни бошдан кечиришлари эҳтимолга яқин. Омад сизга ёр бўлсин!
ЧАЁН (24. 10 — 22. 11)
Бугунги кун сиз учун сюрпризлар, кўнгил изҳорлари ва совғалар кунига айланади. Бу худди юбилей ёки янги йил байрамини ҳам эслатиб юборса не ажаб. Аслида сизни атрофингиздагилар жуда юксак баҳолашади. Қанчалар яхши инсон эканингизни кеч бўлса-да англаб етишади. Профессионал касбингиз билан боғлиқ ишингизга тегишли янги режалар, ғоялар кечқурунга бориб ҳақиқатга айланади. Бу яқин орада мукофотга лойиқ топиласиз деганидир.
ЎҚОТАР (23. 11 — 21. 12)
12 феврал куни арзимас нарсалар туфайли асабийлаша бошлашингиз мумкин. Бу эса иммунитетингиз тушишига олиб келади. Шундай экан, асабийашишдан не наф? Аксинча, ўзингизни мажбурлаб бўлса-да кайфиятингизни кўтаришга, ўзингизни турли ширинликлар билан «алдаш»га ҳаракат қилинг. Молиявий муаммоларни бартараф этишда катта тезликка эга бўлишингиз керак. Йўқса, кечгача бу муаммони ижобий ҳал қилишга улгурмаслигингиз ҳеч гап эмас. Харидларни камайтиришингиз тавсия қилинади.
ТОҒ ЭЧКИСИ (22. 12 — 19. 01)
Бугунги кунингиз иш масаласида жуда оғир кечади. Зиммангизга юкланган вазифалар ҳақиқатан мураккаб бўлиб чиқади. Лекин сиз қўрқмасангиз бўлади. Чунки вужудингизда тоғни урсангиз толқон қилар даражада катта куч яширин. Мартабангиз ошиши ва пул ҳақида хабарлар қабул қилиб олсангиз, уларни яхшилаб таҳлил қилинг. Кун давомида сизни омад тарк этмоқчи эмас. Фақат бунинг учун ўзингизни олдиндан тайёрлаб олган бўлишингиз талаб этилади. Кечқурун баъзилар хизмат сафарига жўнаб кетади. Йўлингиз равон бўлсин!
ҚОВҒА (20. 01 — 18. 02)
12 февралда кечирадиган лаҳзаларингиз анча оғир бўлиб чиқади. Шунга қарамай, руҳан ортга чекинмайсиз. Табиатингиздаги худбинлик ва қайсарлик ёрдам беради. Оилалилар кун давомида уй таъмири ва рўзғордаги муҳим ишлар билан банд бўлиши кутилмоқда. Ёлғизлар эса кечқурунга бориб муҳаббати билан рўбарў бўлади. Романтик лаҳзаларни бошдан кечиришади. Кечқурун хаста ва ёши улуғ қондошлардан хабар олиб қўшимча савобга эга бўлинг.
БАЛИҚ (19. 02 — 20. 03)
Бугун куннинг биринчи ярмида балиқ буржи остида таваллуд топганлар ажойиб танишувни бошдан кечиришади. Танишганларингиз кўринишидан оддий одамлар. Бироқ сизга кўп жабҳаларда ёрдам беришади. Уларнинг қимматли маслаҳатлари ҳам ишда, ҳам шахсий ҳаётда асқотади. Олис сафарга чиқмоқчи бўлганлар бошни баланд кўтарган ҳолда йўлга тушсинлар. Йўлингиз хайрли ва омадли кечишига шубҳа йўқ. Фақат самолётда учишдан нари бўлинг. Саломатлигингизга салбий таъсир кўрсатиши мумкин.
Хушвақт бўлинг! Ҳаммавақт бўлинг!
Олимжон ҲАЙИТ тайёрлади