НЬЮ-ЙОРКДА СЎНГГИ БИР КЕЧА-КУНДУЗДА КОРОНАВИРУСГА ЧАЛИНГАНЛАРНИНГ 630 НАФАРИ ВАФОТ ЭТДИ…
Шу ҳақда Нью-Йорк штати губернатори Эндрю Куомо навбатдаги брифинг жараёнида айтиб ўтди.
— Штатимизда афсуски, коронавирус туфайли ўлим топиш ҳолати ортга чекинмаяпти, — деди губернатор. — Тўғри, вирус юқтираётганлар кейинги кунларда камайди. Аммо ўлим суръатини тўхтатиб ёки камайтириб бўлмаяпти.
15 апрел куни охирги бир кеча-кундузда Америка бўйича коронавирусга чалинганларнинг 2228 нафари ўлим топгани маълум қилинганди. Айни пайтда АҚШ бўйича коронавирус юқтирганлар 684 минг кишидан иборат бўлиб турибди. 35, 3 минг киши оламдан ўтди, 58, 2 минг киши тузалди.