Божхоначилар 61 млн сўмлик дори воситалари яширин айланмасига чек қўйди
Тошкент вилояти божхона бошқармаси “Фарход” чегара божхона постига қўшни давлатдан пиёда кириб келган фуқаронинг қўл юклари божхона кўригидан ўтказилганида, йўловчи божхона декларациясида ёзиб кўрсатилмаган ва оғзаки сўровда маълум қилинмаган қиймати 61 321 000 сўмлик 836 дона дори воситалари ва 1 дона “Niscomed” номли тиббий ускунани борлиги аниқланди.
Ҳозирда ҳолат юзасидан суриштирув ҳаракатлари олиб борилмоқда.
Эслатиб ўтамиз, Аҳолини сифатли, самарали ва хавфсиз фармацевтика маҳсулотлари билан таъминлаш мақсадида «Дорилар ва фармацeвтика фаолият ҳақида» Қонунига мувофиқ, дори воситаларини ва тиббий буюмларни реализация қилиш фақат дорихоналар томонидан амалга оширилади.