Швеция Брюсселда Финляндия ва Туркия билан НАТОга аъзоликни муҳокама қилади
Швециянинг НАТОга аъзолиги бўйича Туркия, Швеция ва Финляндиянинг юқори даражали йиғилиши келаси ҳафта Брюсселда бўлиб ўтади.
Бу ҳақда НАТО бош котиби Йенс Столтенберг маълум қилди.
“Вильнюсдаги саммит олдидан ижобий қарор қабул қилинишига умид бор (Швециянинг НАТОга аъзолиги бўйича)… Биз келаси ҳафта Финляндия, Швеция ва Туркия йиғилишини Брюсселда ўтказишга келишиб олдик”, — дея унинг сўзларидан иқтибос келтиради РИА Новости.
Бош котибнинг сўзларига кўра, йиғилишда Ташқи ишлар вазирлиги, разведка хизматлари раҳбарлари, миллий хавфсизлик бўйича маслаҳатчилар иштирок этади.