Маск Цукербергни плагиатда айблади
Маск бу ҳақда Цукербергнинг Meta компанияси Twitter’нинг тижорат сирларидан Threads янги ижтимоий тармоғини яратишда фойдалангани ҳақида шубҳа билдирганидан кейин гапирган.
«Мен Twitter’га 44 миллиард доллар сарфладим ва Цукерберг шунчаки уни нусхалашга қарор қилди. Энди бу шахсийдир», — деб ёзди Маск ўз саҳифасида.
Шунингдек, у ҳали ҳам Цукерберг билан жангга тайёргарлик кўраётганини қўшимча қилди. «Қафасда кўришгунча», деб хулоса қилди миллиардер.
Аввалроқ Маск Цукерберг билан жангга тайёргарлик кўриш жараёнида ўрта ва ярим ўрта вазн тоифасида собиқ UFC чемпиони Жорж Сент-Пер билан машғулот ўтказгани ҳақида хабар берилганди. Айни вақтда Италия Маданият вазирлиги Колизейда миллиардерлар дуэлини ўтказишни таклиф қилган. Маск ва Цукерберг бу ташаббусни қабул қилишди.