Қозоғистонда блогерларга рекламадан солиқ тўлаш мажбурияти юкланди
Қозоғистонда блогерларга рекламадан солиқ тўлаш мажбурияти юкланди ва фейклар учун жарима жорий қилинди.
Янги қабул қилинган қонунда «инфлюенсер (блогер)», «онлайн платформа», «ҳомийлик контенти», «жамоат ҳамжамияти» ва бошқа тушунчалар киритилган. Блогерлар реклама остидаги постларни белгилаши ва даромаддан солиқ тўлаши керак бўлади.
Бундан ташқари, қонунда ёлғон маълумот тарқатганлик учун маъмурий жавобгарлик назарда тутилган. Жисмоний шахслар учун жарима миқдори 69 минг тенгени (тахминан 155 доллар), блогер-тадбиркорлар учун эса 138 минг тенгени (300 доллардан сал кўпроқ) ташкил этади.