Туркияда 350 киши оммавий заҳарланиш оқибатида касалхонага ётқизилди
Туркиянинг Маниса шаҳрида оммавий заҳарланиш юз берди.
Haber Global хабарига кўра, тез ёрдам хизматига шаҳарнинг турли қисмларидан кўплаб қўнғироқлар кела бошлаган, уларда одамлар ўхшаш аломатлар ҳақида хабар беришган.
Қабул қилинган қўнғироқлар асосида 350 киши касалхонага ётқизилган, шифокорлар уларга овқатдан заҳарланиш ташхисини қўйган. Тегишли ёрдам кўрсатилиб, 321 нафар бемор уйига чиқарилди, 29 нафар беморнинг даволаниши давом этмоқда.
Шаҳар соғлиқни сақлаш бошқармаси томонидан ўтказилган суриштирув ишлари давомида ушбу шахсларнинг барчаси иш жойида заҳарлангани, барча пунктларга озиқ-овқат бир хил умумий овқатланиш корхонаси томонидан етказиб берилгани аниқланган.