Ла Лига: «Реал» «Валенсия»ни мағлуб этди
Футбол бўйича Испания чемпионатининг 13 турида “Реал Мадрид” ўз майдонида “Валенсия”ни қабул қилди.
“Сантяго Бернабеу”да бўлиб ўтган учрашув майдон эгаларининг йирик ҳисобдаги ғалабаси билан якунланди.
Ўйин ҳисоби 3 дақиқадаёқ очилди: Мадрид жамоаси ҳимоячиси Даниел Карвахал тўпни дарвозага киритди. 42 дақиқада Винисиус Жуниор “қироллик клуби”нинг устунлигини оширди.
Учрашувдаги навбатдаги голлар иккинчи бўлимда киритилди. Шу тариқа, 49 дақиқада Винисиус ўзининг иккинчи, жамоасининг учинчи голини киритди. Орадан бир дақиқа ўтиб Родриго “Валенсия” дарвозабони Мамадашвилининг хатосидан унумли фойдаланиб, голлари сонини 4 тага етказди. 84 дақиқада Родриго дубл қайд этди ва жамоасининг ўйиндаги сўнгги – 5 голини киритди. 88 дақиқада меҳмонлар тасалли голини киритиб, ўйиндаги якуний ҳисобни белгилаб берди – 5:1.
Шу тариқа, “Реал Мадрид” Ла Лиганинг 13 туридан сўнг 32 очко жамғариб, чемпионатда иккинчи ўринда бормоқда.