АҚШ президенти Жо Байден кортежида ҳалокат юз берди (Видео)
Делавер штатининг Уилмингтон шаҳрида АҚШ президенти Жо Байден кортежида машина ҳайдовчиси бошқа автомобилга бориб урилгани айтилмоқда. Бу ҳақда “Bloomberg” хабар берди.
Воқеа тафсилотларига кўра, тўқнашув Байден ва биринчи хоним якшанба куни кечқурун сайловолди ташвиқоти ходимлари билан тадбирни тарк этганидан кейин юз берган. Кортеждаги “Ford” русумидаги автомбил яқин атрофдаги кўчани тўсиб турган машинага урилган, дейилади хабарда.
Агентлик маълумотларига кўра, воқеа содир бўлгандан кейин хавфсизлик ходимлари йўлни тўсиб турган автомобиль ҳайдовчисига эшикни очишни буюрган, бироқ у уларнинг буйруғини бажарган бажармагани маълум эмас. Америка президенти ҳам, унинг рафиқаси ҳам жабрланмаган. Улар зирҳли йўлтанламас машинасига ўтириб, воқеа жойини тарк этишган.