პრაქტიკულად, იდეალურთან მიახლოებული კონსტიტუცია გვაქვს
პრაქტიკულად, იდეალურთან მიახლოებული კონსტიტუცია გვაქვს, რომელშიც არის ეროვნული ღირებულებები, ჩვენი დასავლურიკურსი და რეფორმების საშუალება, – ამის შესახებ ფრაქცია„ქართული ოცნების“ თავმჯდომარემ მამუკა მდინარაძემ, თელავში, კონსტიტუციური კანონის პროექტების საყოველთაო-სახალხო განხილვის შემდეგ განაცხადა.
მისი თქმით, ერთადერთი საკითხი, რაზეც ოპოზიციას პრეტენზია ჰქონდა 2020 წელს პროპორციულ სისტემაზე გადასვლა იყო, რაც დეპუტატის თქმით, გათვალისწინებულია.
“როდესაც განხილვები იყო კონსტიტუციასთან დაკავშირებით, ერთადერთი, რასაც ოპოზიცია გვსაყვედურობდა და შემდეგ რაც აისახა ვენეციის კომისიის დასკვნაში, ეს იყო, რომ 2020 წლიდან არ გადავდიოდით პროპორციულ არჩევნებზე. ამიტომ, პრაქტიკულად იდეალურთან მიახლოებული კონსტიტუცია გვაქვს, რომელშიც არის ეროვნული ღირებულებები, ჩვენი დასავლური კურსი, რეფორმების საშუალება. ეს კონსტიტუცია გრძელვადიან პერსპექტივაში, როგორც მოკლევადიანში იმუშავებს ძალიან კარგად და გამოადგება განვითარებას“,- განაცხადა მდინარაძემ.