დაშავებულებსა და დაზარალებულებს სახელმწიფო დაეხმარება
საქართველოს პრემიერ-მინისტრი ბათუმში, შენობის ჩამონგრევის ფაქტს, სოციალურ ქსელში ეხმაურება და წერს, რომ ის პირადად გაემგზავრება ბათუმში.
“ბათუმში მომხდარ ფაქტთან დაკავშირებით ადგილზე მობილიზებულია ყველა შესაბამისი სამსახური, როგორც შინაგან საქმეთა სამინისტროს დანაყოფები, ასევე ადგილობრივი ხელისუფლება და მერიის სამსახურები.
აქტიურად მიმდინარეობს სამაშველო ღონისძიებები დაშავებულებისნანგრევებიდან უმოკლეს დროში ამოყვანის მიზნით. ყველა დაშავებულს და დაზარალებულს სახელმწიფო გაუწევს შესაბამის დახმარებას. შინაგან საქმეთა სამინისტრომ უკვე დაიწყო გამოძიება, რომელიც მომხდარის მიზეზებს აუცილებლად დაადგენს. ბათუმში უკვე გაემგზავრა შინაგან საქმეთა მინისტრი და პირადად მე დღესვე გავემგზავრები და ადგილზე გავეცნობი ვითარებას,”- წერს ირაკლი ღარიბაშვილი.
ბათუმში, 26 მაისის ქუჩაზე 7 სართულიანი შენობა ჩამოინგრა. მაშველები ნანგრევებში მობინადრეებს ამ დრომდე ეძებენ.