ოლექსი დანილოვი აცხადებს, რომ უკრაინის შეიარაღებული ძალების კონტრიერიშის საბოლოო გეგმები პრეზიდენტის მიერ ჯერ არ არის დამტკიცებული
უკრაინის შეიარაღებული ძალების კონტრიერიშის საბოლოო გეგმები პრეზიდენტის მიერ ჯერ არ არის დამტკიცებული. ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა განაცხადა.
“უმაღლესი მთავარსარდლის – ჩვენი პრეზიდენტის – კაბინეტში საბოლოო გადაწყვეტილება იქნება მიღებული [კონტრიერიშის] ტერმინებთან და მიმართულებებთან დაკავშირებით. და როდესაც ვინმე რაღაცაზე იწყებს საუბარს, თუნდაც დასავლეთის პატივცემული ინსტიტუტებიდან, დამიჯერეთ: ხალხი, რომელმაც დღეისთვის დაზუსტებით იცის ყველა ჩვენი გეგმა, არ არსებობს. ვინაიდან, საბოლოო გეგმები ჯერ არ არის დამტკიცებული”, – განაცხადა დანილოვმა.
მისი თქმით, ამჟამად კონტრშეტევის რამდენიმე ვარიანტი განიხილება.
“რამდენიმე ვარიანტი გვაქვს. ყველა მათგანი მუშავდება, იმ პირობებზე დამოკიდებულებით, რომლებიც ამა თუ იმ დროს იქნება და მიიღება ესა თუ ის გადაწყვეტილებები”, – განაცხადა დანილოვმა.