پولنډ کې زرګونه یهودي ځوانانو د هالوکاسټ په مراسمو کې ګډون وکړ
د ژوند په نوم پهدې لاریون کې شاوخوا لس زره کسانو چې د اسرائیلو بیرغونه ورسره وو، برخه اخېستې وه او له یهودانو سره د ضدیت پرضد شعارونه یې لېږدول.
دا لاریون د اشویتز «Auschwitz» په نوم د هغه کمپ د دوو برخو ترمنځ په درې کیلومتره واټن کې ترسره شو چې نازي جرمنانو د ۱۹۴۲ او ۱۹۴۵ کلونو ترمنځ جوړ کړی و او له ټولې اروپا څخه به یې یهودان په اورګاډو کې راوستل او هلته به یې د کیمیاوي ګاز په بټیو کې وژل.
د اټکل له مخې د اشویتز په مرګونی کمپ کې ۱،۱ میلیونه کسان وژل شوي دي.
په واشنګټن کې د امریکا ولسمشر ډونالډ ټرمپ له یهودانو سره د مخالفت پر وړاندې د مبارزې غږ وکړ.
ټرمپ په سپینه ماڼۍ کې پهدې مناسبت ځانګړو مراسمو ته وویل چې له یهودانو سره د مخالفت پر وړاندې باید په ټول قوت مبارزه وشي.