نن په ازبکستان کې د افغانستان پر وضعیت خبرې کېږي
د روسیې دولتي خبري اژانس تاس، د ازبکستان د ملي امنیت د ادارې په حواله ویلي، دا غونډه به د نړیوال ترورېزم پر ضد د پیاوړې مبارزې لپاره د همکاریو پر زیاتولو تمرکز وکړي.
د ازبکستان د ملي امنیت ادارې په بیان کې ویل شوي چې دوی به د افغانستان پر حالاتو له دې اړخه چې د منځنۍ اسیا د هېوادونو پر امنیت څه اغېز کولائ شي، بحث کوي.
د ګډو کټو لرونکو خپلواکو هېوادونو سازمان د ترورېزم ضد مرکز به د ترورېزم پر ضد د مبارزې په اړه یو بیان هم خپور کړي.
دا په داسې حال کې ده چې د تاجکستان چارواکو پرون ادعا وکړه چې د وسلهوالو یوې ډلې چې له افغانستانه وراوښتې او په داعش پورې تړلې، د هغوی پر یوې سرحدي پوستې حمله کړې ده.
د افغانستان حکومت د تاجکستان د ادعا په اړه څه نهدي ویلي. د داعش ډلې هم د حملې مسئولیت نهدی اخیستي.