(Казан, 24 август, «Татар-информ»). Бүген Татарстанда җылы, әмма шул ук вакытта дымлы һава торышы көтелә. Бу хакта ТР Гидрометеорология үзәге хәбәр итә. Көндез республикада урыны белән кыска вакытлы яңгырлар явуы ихтимал. Татарстанда уртача тизлектә төньяк-көнбатыштан исүче җил хөкем сөрәчәк. Көндезге сәгатьләрдә һава 21-26 градуска кадәр җылыначак.
(Чирмешән, 24 август, «Татар-информ», « Безнең Чирмешән », Марат Гомәров). Чирмешән районының Әмир мәдәният йортында узган авыл җыенында ике яшь гаиләгә 100 әр мең сум акча бүләк иттеләр. Шушы авыл егетләре — Себердә яшәүче абыйлы-энеле эшмәкәр Фазыл һәм Миндар Әгъләмовлар авылда балалары туган гаиләләрне 100әр мең сум күләмендә акчалата бүләкләү проектын башлаган иде. Юмарт ир-атлар бу бүләкләрен инде берничә ел үзләре үк зурлап оештырган авыл Сабантуйларында ияләренә тапшырып килде. Тик быел, коронавирус белән бәйле, бәйрәм узмады. Читать дальше...
(Казан, 24 август, «Татар-информ»). 1 сентябрьдә Түбән Камада барлык беренче сыйныф укучылары өчен автобуста һәм трамвайда бушлай йөрү оештырылачак. Бу турыда «НТР 24» хәбәр итә Яңа уку елында Түбән Камада мәктәп парталары артына 4 меңнән артык беренче сыйныф укучысы утырачак. Түбән Кама районы Башкарма комитетының җәмәгать транспорты бүлеге баш белгече Илназ Баймөхәммәтов көзнең беренче көнендә яшь шәһәрлеләр өчен беренче тапкыр «Беренче тапкыр беренче сыйныфка» акциясе уздырылачагы турында сөйләде. Читать дальше...
(Казан, 24 август, «Татар-информ»). Әлмәттә ишегалды территорияләрен төзекләндерү дәвам итә. Бу юлы эшләр Әлмәт территориаль иҗтимагый үзидарәләренең грантлары хисабына башкарылачак. Бу турыда Ә лмәт муниципаль районы һәм Әлмәт шәһәре матбугат хезмәте хәбәр итә. Әлмәт территориаль иҗтимагый советларының егермесе «Татарстан Республикасының 2020 елгы иң яхшы ТОС» республика конкурсында җиңүче булды. Грантларның гомуми суммасы 4 миллион сумнан артык тәшкил итә.
(Чирмешән, 24 август, «Татар-информ», « Безнең Чирмешән », Евгений Ромин). Чирмешән районының Лашман авылында яшәүче 47 яшьлек ир-ат законсыз рәвештә балык тоткан өчен хөкем ителгән. Бу турыда район басмасы хәбәр итә. «Әлеге ир-ат ятьмә белән һәм резина көймәдә аеруча саклана торган табигать территориясе булган Зур Сөлчә елгасында балык тоткан», — дип хәбәр итте район прокуроры ярдәмчесе Алексей Крутиков. Ул законсыз рәвештә 2 сазан тоткан һәм нәтиҗәдә хөкем ителүчеләр эскәмиясенә эләгеп 6000 сум күләмендә штрафка тартылган.
(Ютазы, 24 август, «Татар-информ», «Ютазы таңы» , Ильмира Галиева). Ютазы районы мәдәният йорты территориясендә район халкы иске карьерны үзгәртеп ясау темасына Казан архитекторлары белән «түгәрәк» өстәл уздырды. Анда булачак пляж турында әңгәмә кордылар. Бу турыда район басмасы хәбәр итә. Чарада иҗтимагый оешма активистлары, Яшьләр парламенты әгъзалары, укытучылар, шәхси эшмәкәрләр, пенсионерлар катнашты. Алар иске карьер ярын төзекләндерү һәм пляж ясау буенча узган беренче очрашуда әйткән фикерләрне тагын бер кат яңгыратты. Читать дальше...
