Новости за 20.09.2020

(Казан, 20 сентябрь, «Татар-информ»). Чистайда автовокзалдан ерак түгел заманча футбол мәйданчыгы ачтылар. Ачык спорт объектын республика программасы буенча төзелгәннәр. Бу турыда «Чистопольские известия» газетасы яза. Мәйданчыкны ачу чарасында район башлыгы Дмитрий Иванов, предприятие һәм җәмәгать оешмалары вәкилләре, төрле яшьтәге авыл кешеләре катнашты. Радель һәм  Радмир Валиуллиннар футбол мәйдданчыгына әбиләре белән килгән. «Безгә бик ошады. Футбол уйнау — безнең хыялыбыз. Монда көн саен киләчәкбез», — диде алар. Читать дальше...

(Апас, 20 сентябрь, «Татар-информ», « Апастово-информ », Ләлә Сафиуллина). Лилия һәм Рөстәм Бикмөхәммәтовлар улларына ел саен «Салават күпере» журналын яздыра. Бу юлы исә алар журнал редакциясе уздырган «Сәпит кирәк» бәйгесендә катнашып, бүләкле дә булганнар. Бу турыда район басмасы хәбәр итә. Абыйлы-энеле Ранил һәм Рубин Бикмөхәммәтовлар «Салават күпере» журналы редакциясе уздырган «Сәпит кирәк» бәйгесендә җиңү яулаган. «Җиңәрбез дип һич уйламаган идек. Ә бәхет елмайды бит. Бүләккә бигрәк тә улларыбыз сөенде», — ди Лилия.

(Кайбыч, 20 сентябрь, «Татар-информ», « Кайбыч таңнары », Мингазиз Сөнгатуллин). Кайбычта спорт-сәламәтләндерү комплексында электрон тир ачылды. Бу турыда район бамасы хәбәр итә. Электрон тирны ачу тантанасында район башлыгы Альберт Рәхмәтуллин, яшь армиячеләр хәрәкәте штабы начальнигы Илһам Хөснетдинов, полиция бүлеге начальнигы урынбасары Илшат Сираҗетдинов, «Форпост» начальнигы Юрий Михайлов, Олы Кайбыч урта мәктәбенең яшь армиячеләре Риназ Гомәров, Риназ Лотфуллин, Ләйлә Зиннәтуллина һәм Лилия Әүхәтшина катнашты. Читать дальше...

(Әлки, 20 сентябрь, «Татар-информ», «Әлки хәбәрләре» ). Югары Әлки авылында блок-модуль кибете төзелеше төгәлләнеп килә. Төзелеш эшләренең төп өлеше инде башкарылган. Бу хакта район башкарма комитеты җитәкчесенең территориаль үсеш буенча урынбасары Тимур Билялов сүзләренә сылтама белән район басмасы хәбәр итә. Эчке бизәкләү эшләрен тәмамларга, җиһазлар урнаштырырга, коммуникацияләрне тоташтырырга һәм тирә-юньне төзекләндерергә генә кала. Блок-модуль кибетләре бөтен Татарстан буенча «Авыл кибетләре» республика программасы ярдәме белән ачыла. Читать дальше...

(Алексеевск, 20 сентябрь, «Татар-информ», «Таң» , Алексей Вангаев). «Чиста яр» эко-акциясе көзге игелек атнасы кысаларында узды. Аграр көллият студентлары, «Форпост», «Синергия» яшьләр үзәге хезмәткәрләре яр буен җыештырды. Бу турыда район басмасы хәбәр итә. Аларга «Просторный» территориаль иҗтимагый үзидарәсе һәм «Үзәк» территориаль иҗтимагый үзидарәсе рәисләре Светлана Некрасова һәм Әлфия Әхмәтова да кушылды. Алар бергә җәйге сезонда җыелган чүп-чардан яр буе зонасын җыештырды. «Бу акция елга ярын чистартып кына калмыйча... Читать дальше...

(Актаныш, 20 сентябрь, «Татар-информ», «Актаныш таңнары» , Рузилә Хәсәнова). Бүген Актаныш районның махсус делегациясе Башкортстан Республикасының Алкино-2 бистәсендә Идел буе үзәк хәрби округының 12нче гвардия, инженер — сапер бригадасына «Татар халык ашлары көне» уздыру максатыннан килде. Биредә Актаныштан 16 егет хезмәт итә. Актанышлылар солдатларны татар халык ашлары белән сыйлады. Моңлы җырларын бүләк итте.

(Аксубай, 20 сентябрь, «Татар-информ», « Авыл таңнары », Зинаида Леонтьева). Аксубай үзәк китапханәсенең бердәм фонды яңа басмалар белән тулыланды. Бу турыда район басмасы хәбәр итә. Китапны укып чыкканннан соң, аны башка кешегә тәкъдим и — яхшы идея. Аксубай үзәк китапханәсе укучысы шулай эшләде дә. Ул китапханәгә төрле тематикага караган 17 данә китап бүләк итте. Бу басмалар үзәкләштерелгән китапханәләр системасының китап киштәләрендә лаеклы урыннарны алды һәм хәзер алардан һәр укучы файдалана ала.