Татарстанда елгага баткан машинаны судан чыгаруны видеога төшергәннәр
(Казан, 19 июль, «Татар-информ», Полина Шевчук). Татарстанда текә ярдан елгага төшеп киткән җиңел автомобильне судан чыгаруларын видеога төшереп алганнар. Агентлыкның үз хәбәрчесе «Татар-информ»га фаҗига урынында төшерелгән видеоязма җибәрде. «Татар-информ» агентлыгы кичә республиканың Минзәлә районы Иске Иркәнәш авылы янында җиңел машинаның Ык елгасында батуы хакында хәбәр иткән иде инде. «Лада» автомобиле текә ярдан елгага төшеп киткән һәм баткан. Шунысы кызганыч, машинаның йөртүчесе һәлак булган. Бүген иртән 6нчы зона янгын-коткару отряды хезмәткәрләре ярдан биш метр эчтәрәк 54 яшьлек ир-атның мәетен табып алган.
Фаҗиганең сәбәпләре ачыклана.