(Казан,26 июль, «Татар-информ»). Эдинбург университетының Ашеров институты галиме, доктор Рупи Ожла тән тиресен яшь саклый торган ашамлыклар турында сөйләде. Бу хакта РИА Новости хәбәр итә. Галим сүзләренә караганда, тимер күп булган ризыклардан, аерым алганда, кызыл ит (сыер һәм сарык ите) кебек ашамлыклардан баш тартырга кирәк, ул яшьнең кискен үзгәрешләренә китерергә мөмкин. Ожла фикеренчә, организмны яшәртергә һәм аның эшчәнлеген җайга салырга мөмкинлек бирә торган антиоксидантларга, коллаген, минералларга бай ризык белән тукланырга кирәк. «Җиләк — җимеш һәм яшелчәне күпләп куллану организмның артык ялкынсыну процессларын баланслый, күзәнәкләргә зыян килүне киметә һәм аларны картаю процессыннан саклый торган күп кенә үсемлек матдәләре белән тәэмин итә», - дип билгеләп үтте галим. «Барысы да сәламәт туклану принципларына кагыла: нигездә, үсемлекләр, сыйфатлы майлар (чикләвекләр һәм орлыклар), җепселле һәм эшкәртелмәгән ризык куллану яхшы нәтиҗә бирә», — дип тәмамлады Ожла.