(Казан, 3 октябрь, «Татар-информ»). Бүген Италиядә «Джиро д’Италия» дәрәҗәле күп көнлек велоузыш башлана. Беренче этап Сицилия утравында узачак. Ярышта Чаллыдан велоузышчы Илнар Закарин катнашачак. Ул Польшаның CCC Team командасы өчен чыгыш ясый. Сентябрьдә ул «Тур де Франс» велоузышында ярышты, әмма узышны тәмамлый алмады. Закарин Франция юллары буенча велоузышның 11нче этабында кабыргасын сындырды һәм узыштан катнашуда туктарга булды. Джиро-2020 велоузышы 25 октябрьгә кадәр дәвам итәчәк. Ул 21 этаптан һәм барлыгы 3,5 мең чакрымнан тора.