(Казан, 10 октябрь, «Татар-информ»). Түбән Кама транспорт бүлеге ЮХИДИ хезмәткәрләре белән берлектә җәмәгать транспортында битлек режимын бозучыларны ачыклау буенча профилактик рейд үткәрде. Бу турыда Түбән Кама муниципаль районы рәсми сайты нда хәбәр ителә. 47 автобусны тикшергәннәр. Пассажирларның күбесе саклык чараларын үтәгән, әмма кагыйдәләрне үтәмәүчеләр дә булган. «Мондый тикшерүләрнең максаты — җәзага тарту түгел, ә халыкка куркынычсызлык чараларын үтәү кирәклеген аңлату», — диләр транспорт бүлегендә.
