Болгарда «Россия мөселманнарының дини мирасы» халыкара форумы була
(Казан, 22 октябрь, «Татар-информ»). 26 октябрьдә Болгар ислам академиясендә «Россия мөселманнарының дини мирасы» икенче халыкара форумы узачак. Бу хакта оештыручылар хәбәр итә.
Чара 30 октябрьгә кадәр дәвам итә, бу көннәрдә дүрт конференция була. Төп темалар арасында Россия империясендә мөселман дин әһелләренең мирасын өйрәнүдә традицион караш һәм яңа алымнар, мөселман җәмгыятендә конфессияара диалог, радикализмны җиңү һәм башкалар билгеләнгән.
Форумга галим-дин белгечләре, ислам белгечләре, теологлар, тарихчылар, фәнни һәм мәгариф оешма вәкилләре, югары уку йорты мөгаллимнәре һәм студентлары чакырыла. Форумда офлайн — һәм онлайн режимда катнашып була.