Түбән Кама хатын-кызлары «28 элмәк» акциясенә кушылган
(Казан, 8 декабр, «Татар-информ»). Түбән Кама хатын-кызлары «28 элмәк» акциясендә катнашкан һәм дөньяга ашыгып килгән сабыйларга җылы оекбашлар бәйләп тапшырган. Бу турыда Түбән Кама муниципаль районы рәсми сайты нда хәбәр ителә.
«28 элмәк» бөтенроссия акциясенә инде берничә ел. Акциянең максаты — вакытыннан алда туган сабыйлар өчен йон оекбашлар бәйләү. Акция Бөтендөнья җитлекми туган балалар көненә багышланган. Мондый балаларга оекбаш бәйләү шул сандагы «күз» җыюдан башлана.
Әйберләр сабыйларның тиресенә зыян килмәсен өчен бары тик табигый йоннан гына бәйләнгән.
Балалар хастаханәсе бүлек мөдире Елена Выборнова кечкенә пациентларына шундый игътибар һәм кайгыртучанлык күрсәтүләре өчен хатын-кызларга рәхмәт белдергән, әйберләрнең бер өлеше реанимация бүлегенә тапшырылачагын да җиткергән. Игелек һәм мәхәббәт хисе белән тулы җылы әйберләр балаларга тизрәк савыгырга ярдәм итәр.