(Казан, 14 декабрь, «Татар-информ»). Иртәгә, 15 декабрьдә, Татарстанда салкын һава торышы сакланачак. Бу хакта ТР Гидрометеорология үзәге хәбәр итә. Республикада алмашынучан болытлы һава көтелә, явым-төшемсез, җил төньяк-көнбатыштан. Төбәк элеккечә үк антициклонның көнбатыш перифериясендә калачак. Атмосфера басымы аз гына төшү сәбәпле, кайбер районнарда кар явачак. Төнлә һәм иртән Татарстанда урыны белән томан булачак. Көньяктан талгын җил исәчәк. Юлларда бозлавык саклана. Караңгы вакытта төбәк буенча һава температурасы 13-18 градустан түбәнрәк, аязган вакытта 20-25 градуска кадәр салкын булачак. Көндезге сәгатьләрдә һава -7, -12 градуска кадәр җылыначак. Элегрәк «Татар-информ» республикага бу атнада буран белән бергә җылылык киләчәк, дип хәбәр иткән иде .
