Mbappe: Özümü ulduz hesab edirəm
PSG ilə yeni müqavilə imzalamayan və komandadan ayrılmaq istəyən Kylian Mbappe özü haqda danışıb.
ONBİR fransız ulduzun Esquire`yə açıqlamasını qol.az saytına istinadən təqdim edir:
“Özümü ulduz hesab edirəm? Məncə, bəli. Bir insanın siması bütün şəhərdə və dünyada rast gəlinirsə, bu belədir. Ulduz olmaq status məsələsidir, amma məni digərlərindən daha yaxşı etmir.
Yüksək səviyyəli futbolda heç kim sizə endirim etməz və ya nəyəsə qadir olduğunuzu deməz. Özünüzü kim olduğunuza inandırmalısınız. Eqo və özünü sevmək ulduzların şıltaqlığı deyil. “Mən ən yaxşıyam” demək istəyi üçün mümkün olan hər şeyi edirik.
Oyunçular dost olmağa məcburdurlar? Xeyr. Necə ki, çörəkçiyə başqa çörəkçilərlə dostluq etmək lazım deyil. Qələbə qazanmaq üçün komanda yoldaşlarınızla hər gün nahar etmək məcburiyyətində deyilsiniz”.