Марокаш бош мураббийи: "Юқори савияда ўйнаймиз"

Марокаш миллий жамоаси бош мураббийи Валид Реграги 2026 йилги футбол бўйича жаҳон чемпионати гуруҳ босқичи қуръасига ўз муносабатини билдирди. Марокаш терма жамоаси С гуруҳида Бразилия, Шотландия ва Гаити билан бирга ўрин олди.

Реграги ўз интервьюсида асосан Бразилия термасига эътибор қаратганини "The Daily Star" нашри хабар берди. "Биз мусобақанинг бошидан бошлаб фаворитлардан бири билан ўйнаймиз ва улар ҳам бошидан бошлаб фаворитлардан бири билан тўқнаш келишади", - деди мураббий.

Шунингдек, у ўтган жаҳон чемпионатида Марокаш тўртинчи ўринни эгаллаганини эслаб ўтди. "Гуруҳимизнинг эҳтимолий ғолиби билан биринчи ўйинларни ўтказиш ҳеч қачон осон бўлмаган.

Улар тажрибали ва тинчликни сақлай оладиган энг яхши мураббийлардан бирини танлаганлар", - дея қўшимча қилди Реграги. "Биз юқори савияда ўйнашга ҳаракат қиламиз ва мухлисларимиз биздан фахрланишини таъминлаймиз." Ҳозирда Марокаш терма жамоаси ФИФА рейтингида 11-ўринда бормоқда.