Реал Мадрид Алонсо ўрнига номзодларни белгилади
Манбанинг маълумотига кўра, "қироллик клуби" мураббийлик лавозими учун иккита номзодни кўриб чиқмоқда, аммо уларнинг исмлари ҳозирча ошкор қилинмаяпти. Шу билан бирга, жамоани илгари бошқарган Зинедин Зидан бу рўйхатда йўқ.
"Зизу" айни дамда Франция терма жамоасини бошқаришга эътибор қаратган бўлиб, 2026-йилги Жаҳон чемпионатидан сўнг Дидье Дешам ўрнини эгаллаши мумкин. "Реал" жорий мавсумда қийинчиликларга дуч келмоқда.
Жамоа Испания чемпионатидаги сўнгги бешта ўйинда фақат бир марта ғалаба қозонган. Хаби Алонсонинг шогирдлари Ла Лига жадвалида иккинчи ўринда бормоқда, биринчи ўриндаги "Барселона"дан тўрт очкога орқада қолмоқда.