Итурральде Вальверде эпизоди учун қизил карточка бўлишини айтди
ФИФА тоифасидаги собиқ ҳакам Итурральде Гонсалес «Бенфика»нинг УЕФАга йўллаган шикояти юзасидан фикр билдирди. Лиссабон клуби «Реал»га қарши ўйинда ҳакамлик адолатсиз бўлганини таъкидлаган, баҳснинг 82-дақиқасида Федерико Вальверде Самуйел Далга зарба берган вазиятда эса мезбонлар футболчисига қизил карточка кўрсатилмаган. Бу ҳақда euro-football.ru хабар беради.
Итурральденинг фикрича, бу эпизодда қатъий қарор бўлиши керак эди. «Бу — қизил карточка. У ҳеч қандай сабабсиз зарба берди. Вальвердени, ҳатто рақибига тўлиқ тегкизмаган бўлса ҳам, майдондан четлатиш лозим эди», — деб собиқ арбитрдан иқтибос келтиради AS.
«Бенфика» ва «Реал» ўртасидаги учрашув УЕФА Чемпионлар лигаси плей-офф босқичи доирасида ўтказилди. Мадридликлар Винисиус Жуниорнинг голи эвазига 1:0 ҳисобида ғалаба қозонди. Жавоб ўйини 24-февраль куни бўлиб ўтади.