Харри Кане барча даврларнинг энг яхши ҳужумчиси кимлигини маълум қилди
"Бавария" ҳужумчиси Харри Кане GOAL нашрига берган интервьюсида футбол тарихидаги энг яхши ҳужумчи ким деган саволга жавоб берди. Англиялик футболчи барча даврларнинг энг кучли форварди сифатида бразилиялик Роналдони танлади. Бу ҳақда Goal.com хабар беради.
Ушбу танловдан сўнг "442оонс" лойиҳаси Криштиану Роналдо, Лионель Месси ва Златан Ибрагимович каби юлдузларнинг ушбу қарорга нисбатан хаёлий реакциялари акс этган ҳажвий видеони тақдим этди. Видеода Кане томонидан эътиборсиз қолдирилган юлдузларнинг ҳазиломуз норозиликлари кўрсатилган.
Харри Кане ўз интервьюсида кўплаб маҳоратли ҳужумчилар орасидан айнан бразилиялик афсонани устун кўришини таъкидлаган. Ҳозирда Мюнхен клуби шарафини ҳимоя қилаётган Кане учун айнан "сўйлоқ" лақабли Роналдо асосий намуна ҳисобланади.