Төрмәдән качарга җыенган тоткыннарны кулга алганнар
Федераль куркынычсызлык хезмәте хезмәткәрләре Түбән Новгород өлкәсендәге төзәтү колониясендә терактны туктатып калган.
Фото: © «Baza» телеграм каналы
«Baza» мәгълүматлары буенча, терактны Түбән Новгородтагы ИК-6 да берничә радикал планлаштырган. Алар хезмәткәрләргә һөҗүм итеп качарга җыенган булганнар.
Әмма аларның планы турында махсус хезмәт хезмәткәрләренә билгеле була. Һөҗүм итәргә җыенганда, аларны тоткарлый алганнар. Аларның үзләре белән пычаклары һәм үткен очлы әйберләре булган.
Хәзер тоткыннарга карата РФ Җинаять кодексының 3 маддәсе буенча яңа җинаять эшләре кузгатылган: 282.2нче (экстремистик оешма эшчәнлеген оештыру), 313нче (иректән мәхрүм итү урыныннан качу) һәм 321нче (изоляцияне тәэмин итүче учреждениеләр эшчәнлеген дезорганизацияләү).
Фото: © «Baza» телеграм каналы