Трампнинг Путин билан учрашувдаги гапларини конгрессменлар "шармандалик" деб баҳоладилар

Президентлар Дональд Трамп ва Владимир Путин Хельсинки учрашувидан сўнг ўтказилган матбуот анжуманида АҚШ ҳамда Россия ўртасида кескинлашган вазиятни юмшатиш йўналишида биринчи қадам ташлангани тўғрисида билдирдилар.


-Бизнинг муносабатларимиз ҳеч қачон бу даражада ёмон бўлмаган эди, лекин тўрт соатча аввал бу ҳолат ўзгарди ва мен шунга ишонаман. Сиёсий жиҳатдан бу учрашувдан воз кечишдан осонроқ нарса йўқ эди. Лекин бундай бўлмади, -деди Трамп.


АҚШ президенти ўз сўзида, шунингдек, Россия 2016 йилги президентлик сайловига аралашгани юзасидан иддаоларни Путин шахсан рад этгани ва у бунга ишонишини таъкидлади.


Трампнинг бу баёноти АҚШ конгрессида кескин танқидларга сабаб бўлди. Конгрессдаги республикачилар ва демокрталар Трамп чиқишини “ғалати”, “шармандали” ва “уятли”, деб баҳоладилар.


Жумладан, сенатор Жефф Флейк: "Бир кун келиб Америка президенти Россия президенти билан саҳнада турар экан, Россия агрессияси учун АҚШнинг ўзини айблайди, деб ўйламаган эдим. Бу уят!”, деб айтди.


Трамп Путин билан тўлиқ форматдаги музокаралардан иборат илк учрашувини 16 июлда Хельсинкида ўтказди.