Жер астындағы сейсмикалық датчиктер, жануарлар жер сілкінісін сезеді: Қазақстанда сейсмология саласы қалай жұмыс істейді
АЛМАТЫ. KAZINFORM - Алматы 9-10 балдық сейсмикалық аймақта орналасқан. Жыл сайын қаладан 250 км радиуста 200-ге дейін әлсіз жерасты дүмпулері болады. Мұның барлығын қала ішінде және оның маңында орнатылған арнайы құрылғылар жазып алады. Жалпы алғанда, мегаполисте және оның төңірегінде осындай бірнеше құрылғы бар, олар негізінен таулы аймақтарда - сейсмикалық станцияларда орналасқан. Солардың біріне Кazinform агенттігінің тілшілері барды.