Forbes-ը հրապարակել է ամենաբարձր վարձատրվող հայտնիների ցանկը (լուսանկարներ)

Ամերիկյան հեղինակավոր Forbes հանդեսը հրապարակել է մոլորակի 98 ամենաբարձր վարձատրվող հայտնիների վարկանշային աղյուսակը, որը գլխավորել է բռնցքամարտիկ Ֆլոյդ Մեյվեզերը:

Քառասունմեկամյա մարզիկը մեկ տարում վաստակել է 285 մլն դոլար: Մեյվեզերը համարվում է պրոֆեսիոնալ բռնցքամարտի պատմության մեջ ամենաբարձր վարձատրվող մարզիկը:

Նրան հաջորդում է հոլիվուդյան դերասան Ջորջ Քլունին, որը մեկ տարում վաստակել է 239 մլն դոլար: Հայտնի է, որ Քլունին դերասանական կարիերայից զատ զբաղվում է նաև բիզնեսով:

Մինչդեռ լավագույն եռյակը եզրափակում է Keeping Up With the Kardashians իրապատում շոուի 20-ամյա մասնակից Քայլի Ջեները՝ 166.5 մլն դոլար եկամտով: Երիտասարդ գեղեցկուհին ունի մի քանի բրենդ ու զբաղվում է հագուստի, դիմահարդարման պարագաների արտադրությամբ:

Ինչ վերաբերում է լավագույն տասնյակին, ապա դրանում ներառվել են փաստաբան ու հեռուստահաղորդավար Ջուդիթ Շեյնդլինը (147 մլն դոլար), դերասան Դուեյն Ջոնսոնը (124 մլն դոլար), U2 ռոք խումբը (118 մլն դոլար), Coldplay ռոք խումբը (115.5 մլն դոլար), ֆուտբոլիստ Լիոնել Մեսին (111 մլն դոլար), երաժիշտ Էդ Շիրանը (110 մլն դոլար) և ֆուտբոլիստ Կրիշտիանու Ռոնալդուն (108 մլն դոլար):

Մինչդեռ հայազգի հեռուստաաստղ Քիմ Քարդաշյանը հայտնվել է 30-րդ հորիզոնականում՝ 67 մլն դոլար ցուցանիշով:

 

Ֆլոյդ Մեյվեզեր

 

 

Ջորջ Քլունի

 

 

Քայլի Ջեներ