ФСБ раҳбари пешини Кумитаи тафтишоти Маскавро боздошт кард
Ба гуфтаи матбуоти Русия, Дриманов моҳи июн бинобар расидан ба синни бознишастагӣ барои истеъфо аз мақом ариза дод.
Дар оғози соли 2018 намояндагони Додситонии кулл Дримановро дар радифи афсароне номбар карданд, ки аз як чеҳраи бонуфузи олами ҷиноӣ - Захария Калашов барои аз боздоштгоҳ раҳо кардани нафари ӯ ришва гирифтанд.
Ба ғайри ин, Денис Никандров - ноиби пешини Дриманов ба кормандони амният гуфт, ки барои пуштибонӣ ва таъинаш ба ин мақом. ба раҳбараш 10 ҳазор евро пора додааст. Дриманов он замон ин маълумотро тӯҳмат гуфта буд. Ҳамон вақт кормандони ФСБ манзили ӯро кофтукоб карданд.
Санадҳои зидди Дриманов ба раҳбари Кумитаи тафтишот фиристода шуд, аммо ӯ аз кушодани парвандаи ҷиноӣ худдорӣ кард. Ҳамин тавр, то боздошташ Дриманов мақоми шоҳидро дошт.