АНГРЕН – "Ҳокимият вакили таклифига қарши фикр айтган маҳалладошимизни "халқ душмани"га чиқаришди" (ВИДЕО)

АНГРЕН. "Тошкент вилояти Ангрен шаҳри "Улуғбек" маҳалласидан ёзмоқдаман. Куни кеча маҳалламизда томларни ёпиш масаласида йиғилиш бўлиб ўтди. Унда уй-жой мулкдорлари ширкати раҳбари ва ходимлари, ҳокимият вакили ҳамда аҳоли қатнашди.Ширкат ва ҳокимият вакили аҳолига томни профнастил билан ёпишни таклиф қилди. Биз эса бу лойиҳани Архитектура ва қурилиш давлат қўмитаси экспертизасига бериш лозимлигини айтдик. Маҳалладошларимиздан бири бундай томлар шамолда учиб кетиши мумкинлигига эътибор қаратди. Ҳокимият вакили эса бу аёлни давлатга қарши тарғибот олиб боришда айблаб, "халқ душмани" сифатида судга берилиши ҳақида таҳдид қилди. Ҳокимият вакилининг бу хатти-ҳаракатини қандай баҳолаш мумкин? Аҳолининг ҳақли талабига қулоқ солиш ўрнига, ўз фикрини айтганларни қўрқитиши, уларни куракда турмайдиган гаплар билан айблаши тўғрими? Биз қайси замонда яшаяпмиз ўзи: 1937 йилдами ёки 2018 йилда?! Дарвоқе, қўрқитишлар ўз самарасини берди. Кўпчилик томни профнастил билан ёпишга рози эканини билдирди".


​Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagram саҳифасида кузатинг!

******************************************************************************






Резюме

"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************


Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!​