Ukraynanın şərqində bir əsgər öldürülüb
Müdafiə Nazirliyinin məlumatına görə, iyulun 17-də rusiyapərəst separatçılar qumbaraatanlar və avtomatlarla iki dəfə hücuma keçiblər, bir əsgər öldürülüb.
Nazirlik daha öncə bildirmişdi ki, separatçılar son 24 saat ərzində atəşkəsi 19 dəfə pozub, bir əsgəri yaralayıblar.
Separatçılar isə iddia edirlər ki, hökumət qüvvələri atəşkəsi 7 dəfə pozub, bir dinc sakini yaralayıb.
2014-cü ilin aprelindən Donetsk və Luqansk regionlarında hökumət qüvvələri və separatçıların toqquşmalarında 10 min 300-dən çox adam həlak olub.
Minsk sazişləri çərçivəsində əldə olunan atəşkəs razılaşmalarına əməl olunmayıb.