Прафсаюзная лідарка з Берасцейшчыны Зінаіда Міхнюк – год за кратамі
Год – столькі за кратамі знаходзіцца палітвязень з Берасцейшчыны Зінаіда Міхнюк. Прафсаюзная лідарка была абвінавачаная па артыкулу 368 крымінальнага кодэкса Рэспублікі Беларусь або „Абраза прэзідэнта Рэспублікі Беларусь”.
Актывістку прафсаюза РЭП затрымалі 25 сакавіка мінулага года пасля вобшукаў у яе дома і на офісе арганізацыі. Зінаіда Міхнюк была спачатку змешчаная ў СІЗА, а пасля пераведзеная ў калонію.
Суд прайшоў у закрытым рэжыме. Палітвязня абвінавачвалі на падставе матэрыялаў з праслухоўвання, якое стаяла ў яе як у актывісткі прафсаюза РЭП. Прысуд – два гады пазбаўлення волі ў калоніі ва ўмовах агульнага рэжыму. Суддзя – Андрэй Грушко.
Таксама была разгледжана апеляцыйная скарга, але прысуд застаўся без зменаў. Ліставаць да Зінаіды Міхнюк можна ў папраўчую калонію №4.
Аліса Поль, Беларускае Радыё Рацыя
Artykuł Прафсаюзная лідарка з Берасцейшчыны Зінаіда Міхнюк – год за кратамі pochodzi z serwisu БЕЛАРУСКАЕ РАДЫЁ РАЦЫЯ.