Володин: Дәүләт Думасы Мантуровны беренче вице-премьер итеп раслау мәсьәләсен карый
Дәүләт Думасы вице-премьер вазифасын башкаручы - сәнәгать һәм сәүдә министрлыгы җитәкчесе Денис Мантуровны Россия хөкүмәте башлыгының беренче урынбасары вазифасына раслау турындагы мәсьәләне карый. Бу хакта палата спикеры Вячеслав Володин белдерде.
Ул шулай ук Мантуров кандидатурасын раслау турында ачык тавыш бирү үткәрергә тәкъдим итте.
«Безнең көн тәртибенең икенче мәсьәләсе карала, ул Мантуров Денис Валентиновичны Россия хөкүмәте рәисенең беренче урынбасары итеп раслау турында... Ачык тавыш бирү үткәрергә тәкъдим ителә», - дип Мантуровның сүзләрен китерә РИА Новости.
Элегрәк Мантуров кандидатурасын беренче вице-премьер урынына Россия премьер-министры Михаил Мишустин тәкъдим итте. Шунысын да билгеләп үтәргә кирәк, Мантуров сәнәгать өлкәсе өчен җавап бирә.
Премьерның матбугат сәркатибе Борис Беляков әйткәнчә, сәнәгать өчен җаваплы вице-премьерының статусын күтәрү технологик лидерлыкны тәэмин итүнең мөһимлеге белән аңлатыла. Бу хакта Россия Президенты Владимир Путинның яңа май указында әйтелә.