Бишкәктә төнге тәртипсезлек вакытында 29 кеше зыян күргән
Бишкәктә төнге тәртипсезлек вакытында 29 кеше зыян күргән. Бу хакта РИА Новости хәбәр итә
Агентлык мәгълүматлары буенча 18 май төнендә ашыгыч ярдәм бригадаларына ярдәм сорап 29 кеше мөрәҗәгать иткән, аларның 15е шәһәрнең ашыгыч ярдәм хастаханәсенә һәм госпитальгә китерелгән, калганнарына урында ярдәм күрсәтелгән.
Сәламәтлек саклау министры Алымкадыр Бейшеналиев госпитальдә булды, анда теш казнасы сынган Пакыстан гражданины ята. Хәзер аны операциягә әзерлиләр. Министр госпиталь җитәкчелегенә аңа тиешле медицина ярдәме күрсәтергә йөкләгән.
Башкәкнең чит ил кешеләре (нигездә Азия кешеләре) күпләп яши торган кайбер районнарында җирле халык канәгатьсезлек белдергән акцияләр узды. Алар 13 майда хостелларның берсендә чит ил кешеләре һәм Кыргызстан гражданнары арасында чыккан массакүләм сугыш белән бәйле рәвештә гадел хөкем таләп итте.
Башкаланың эчке эшләр хезмәтенең баш идарәсе мәгълүматлары буенча, хәзер милиция хезмәткәрләре чит ил кешеләре яши торган барлык тулай торакларны сак астына алган.